‫ التحديث الجديد فـGoogle Ads واش تختار Automation ولا تحكم فالكامباين بيدك‬

‫بزاف كيسحاب ليهم Google Ads هو غير كامباين ديال Search ولكن فالحقيقة هادا راه ايكوسيستيم كامل فيه بزاف ديال الانواع وكل نوع مصاوب لهدف محدد واكبر غلط كيديروه البيزنيسات هو كيطلقو الكامباين الغالطة للهدف الغالط وهادشي كيضيع البادجيت بلا نتيجة اجي نفككو الانواع كاملين ونفهمو كيفاش تخدم بيهم‬ ‫‫ها هما الانواع التمانية ديال الكامباينات ف Google Ads والهدف ديال كل وحدة فيهم :‬ ‫‬ ‫1. Search Ads باش تجيب كليان عندو نية الشراء ولا High Intent Leads‬ ‫2. Display Ads باش تبني الوعي ب البراند ولا Brand Awareness‬ ‫3. Shopping Ads للناس ديال الايكوميرس باش يبيعو السلعة ويطلعو مبيعات‬ ‫4. Video Ads ف يوتوب باش تفاعل مع الجمهور وتبني قصة ديال البراند‬ ‫5. App Ads باش تجيب تحميلات للتطبيق ديالك‬ ‫6. Demand Gen باش تبان ف Discover وجيمايل وتجيب كليان جديد‬ ‫7. Performance Max لي كتخدم بالذكاء الاصطناعي باش تسكالي فڭاع البلايص‬ ‫8. Local Services Ads باش تجيب Leads محليين بجودة عالية‬ ‫‬‫‬‫دابا مع التحديث الجديد قبل ماتطلق الكامباين جوجل كيسولك فين بغيتي تبان وعندك جوج ديال الاختيارات باش تخدم‬ ‫All Channels هادي كتدخلك نيشان ف Performance Max وكتخلي المنصة تتكلف بكلشي وهادي مزيانة للمبتدئين لي باغين يطلقو بزربة‬ ‫Individual Channels هادي كتعطيك تحكم كامل فالبادجيت والبلايص فين غيبان الادس ديالك وهادي هي المفضلة عند المحترفين لي كيبغيو يجيريو الكامباين دقة دقة‬ ‫‬ ‫من اللخر :‬ ‫الخدمة النقية ماشي هي تخسر الفلوس فالادس وصافي الخدمة هي تختار الاستراتيجية المناسبة للجمهور المناسب فالوقت المناسب يلا كنتي عارف اش كدير اختار التحكم اليدوي ويلا بغيتي المنصة تعاونك سير مع Automation المهم هو ماتطلقش الكامباين بعشوائية‬